wpwapp.com 快乐简单一点

游戏简介：

Welcome sa FIGHTER NOT KILLER, isang maikling pagsubok na susukat sa iyong kaalaman sa Batas ng Labanan.

MAY MGA LIMITASYON SA GIYERA, HINDI LAHAT AY PINAHIHINTULUTAN

Kung ang pamamaril ng kaaway ay nagmumula sa loob ng ospital, pwede mo ba itong i-target? Maari mo bang tanggapin ang mga kabataang nais sumali sa labanan kung hindi mo nasisigurong sila ay labing-walong (18) taong gulang? Maari ka bang magkunwaring sumuko para lamang atakihin ang kaaway? Ang pwersa ba ng kapulisan ay mga lehitimong target?

Mahahanap mo ang lahat ng kasagutan sa maikling pagsubok na ito. Dadalhin ka sa 28 na senaryo na sumasaklaw sa mga paksa kabilang ang mga taktika sa pakikipaglaban, mga pangunahing karapatan, pangangalagang pangkalusugan at tulong, mga armas, o ang proteksyon ng mga bata. Pagkatapos makumpleto ang 6 na paksa, maari kang magpatuloy sa Antas ng Kumander kung saan mas komplikado ang mga senaryo.

Ang «Fighter not Killer» ay isang aplikasyon na binuo ng Geneva Call upang itaguyod ang international humanitarian law sa armadong labanan. Ang Geneva Call ay isang organisasyon na hindi sakop ng gobyerno. Ito ay naglalabas ng mga aksyon patungo sa pagtaguyod ng mga pandaigdigang pamantayang makatao, lalo na sa mga nauugnay sa pagbibigay proteksyon sa mga sibilyang nasa gitna ng armadong labanan.